शिव पंचक्षरी स्तोत्र
नागेन्द्रहारायत्रिलोचनाय
भस्माङ्गरागायमहेश्वराय ।
नित्याय शुद्धाय दिगम्बराय
तस्मै “न” कारायनमः शिवाय ॥1 ॥
मन्दाकिनी सलिल चन्दनचर्चिताय
नन्दीश्वर प्रमथनाथ महेश्वराय ।
मन्दार मुख्य बहुपुष्प सुपूजिताय
तस्मै “म” कारायनमः शिवाय ॥2 ॥
शिवाय गौरी वदनाब्जबृन्द
सूर्याय दक्षाध्वर नाशकाय ।
श्री नीलकण्ठाय वृषभध्वजाय
तस्मै “शि” कारायनमः शिवाय ॥3 ॥
वशिष्ठ कुम्भोद्भव गौतमार्य
मुनीन्द्र देवार्चित शेखराय ।
चन्द्रार्कवैश्वानर लोचनाय
तस्मै “व” कारायनमः शिवाय ॥4 ॥
यज्ञ स्वरूपाय जटाधराय
पिनाक हस्ताय सनातनाय ।
दिव्याय देवाय दिगम्बराय
तस्मै “य” कारायनमः शिवाय ॥5 ॥
पञ्चाक्षरमिदंपुण्यं यः पठेच्छिवसन्निधौ ।
शिवलोकमवाप्नोतिशिवेन सह मोदते॥
Watch the Video of Shiv Panchakshri Stotram
No comments:
Post a Comment